الدنيا سطور.. سطور م الفرحة بتبسطنا و تعشّمنا
و غيرها سطور.. نتوه فيها و تكبسنا بمقالبها
بتيجي ف يوم تطلّعنا لأحلامنا.. تقرّبنا
وف نفس اليوم.. ف عز الفرحة تقلبنا بحركاتها
***
في ناس فينا.. تشيل جواها أوجاعها و أحزانها
و ناس فينا.. من كتر الهم بتستسلم.. ماهيش فارقة
و ناس غيرها.. ماهيش راضية بدنيتها اللي عايشاها
و ناس غيرها.. تبصّلها في دنيتها اللي عايشاها
***
دول هما يومين.. نعيش فيهم و بعديهم هنوحشها
دول هما يومين.. لا هي باقيا ولا احنا هنبقالها
.. .. ..
فدمعتنا.. نخبّيها عشان مش صح تفضحنا
و فرحتنا.. نبيّنها بس منسيبهاش توقّعنا
***
في غمضة عين.. تلاقي العمر بيعدي و بيسيبنا
يفيدك مين؟ لا مال ولا جاه ولا سلطة هتنفعنا
فطّنشها.. و هي مسيرها تتعدل و تنصفنا
دي دنيتنا.. رضينا أبينا.. دنيتنا و هنعيشها
***
دول هما يومين.. نعيش فيهم و بعديهم هنوحشها
دول هما يومين.. لا هي باقيا ولا احنا هنبقالها
.. .. ..
فدمعتنا.. نخبّيها عشان مش صح تفضحنا
و فرحتنا.. نبيّنها بس منسيبهاش توقّعنا..
***
الدنيا سطور
S for Shiko
لكني كلما ضحكت تضج بي الدنيا بأني ضحكت
ReplyDeleteفتقلبني رأسا على عقب
حتى ترى دموعي
ولا تكتفي بدموع بل وتوخزني وخز شديد
أشعر به بنزيف قاتل
وقتها استغيث بالله
واتمنى من الله
بان يجعل لي ولو يوما اضحك به دون ان تقلبني الدنيا راسا على عقب
ولا اشعر بذلك النزيف
فهو يقتلني
7elwa awi bgad ... proud of U my friend ;))
ReplyDelete