من كتابات 2007 -في حب مصر-

في حب مصر

على كوبري قصر النيل.. و أنا رايح التحرير

شايف ناس كتير..ماشيين

كبار و صغيرين.. و شباب بيملوا العين

الكل بالتغيير..حاسيين

بعد سنين ظلام.. بين وعد و بين كلام

بدأت الأحلام.. تتحقق

و إتمدت الجسور.. بين كل سور و سور

و ضي فجر جديد..بيشقشق

تعالوا..ندوب ف سحر لحظة..ف حب مصر

تعالوا بينا يلا.. نحب مصر

هندفن الآهات.. ف بحر الذكريات

و يا ريت ننسى اللي فات.. و نكمل

على كوبري قصر النيل.. و أنا رايح التحرير

شايف ناس كتير..بتكمل

تعالوا..ندوب ف سحر لحظة..ف حب مصر

تعالوا بينا يلا.. نحب مصر

نسمة تغيير بتهب.. تعالوا يلا نحب

و كلنا نبقى.. إيد واحدة

.. علشان بلدنا..تبقى أحلى

ونغني بأعلى صوت.. ماهو راح زمن السكوت

تعالوا..ندوب ف سحر لحظة..ف حب مصر

تعالوا بينا يلا.. نحب مصر..

حدث في يناير 2011

S for Shiko