الليلة قبل الماضية.. كنت قد مررت بأحد الأكشاك في المعادي في طريقي إلى المنزل..
كنت أريد شراء شوكولاتة kinder من أجل مصالحة صديقتي .. فكان السيناريو كالتالي:
أنا : (هوه فين الكيندر؟)
الراجل بتاع الكشك: ( ثائرا في الموبايل ) احنا لازم كلنا ننزل المظاهرات بكرة.. كلنا لازم ننزل!
أنا: (مظاهرات ايه و بتاع ايه.. فين الكيندر؟!)
الراجل بتاع الكشك: (ثائرا في الموبايل) كل شباب المعادي هينزلوا بكرة.. كلنا هننزل.. قال يشتموا نبينا قال.. شباب المعادي كلها هتنزل.. انت سامع بقولك ايه.. كلنا هننزل!
أنا: (ده ماله ده؟! ما يتكلم عن نفسه.. أنا مبنزلش مظاهرات أنا.. فين أم الكيندر ؟! )
الراجل بتاع الكشك: (ثائرا في الموبايل) اللي مش هينزل من شباب المعادي.. هنقتله.. سامعني بقولك ايه؟؟ هنقتلوووو..
أنا: (تقتلو؟!! ماتخلص التليفون يا عم بقى..) لو سمحت.. هوه مفيش كيندر ولا ايه؟؟
الراجل بتاع الكشك: (ثائرا في الموبايل و ولا كأنه سامعني) اللي مش هينزل من شباب المعادي أنا هقتله بإيدي.. هقتله بإيدييييي..
أنا: ( أبوك على أبو الكيندر.. مش عاوز شوكولاتة أنا.. إخلع يا واد يا شيكو ده باين عليه مجنون)
و اتسحبت واحدة واحدة و جريت ع العربية!!
ما تلاه من أحداث:
-رحت كشك تاني.. لقيت واحد لا يقل تخلف عنه.. كان بيحسب و بيسعر بالبركة كده.. بس أرحم من ابن المجنونة ده!!
-اشتريت الكيندر.. بس صديقتي صحيت متأخرة و مجاتش الشغل.. فأكلتها أنا!
-تاني يوم حصل إشتباكات بين الأمن المركزي و المتظاهرين في محيط السفارة الأمريكية في القاهرة و نتج عنه 20 مصاب!
-وزارة الداخلبة أعلنت عن القبض على 37 مشاغب في أحداث السفارة الأمريكية!
-محدش اتقتل من شباب المعادي اللي منزلش!
-و انا مروح إمبارح بليل بصيت ع الكشك.. ملقيتش الراجل!
S for Shiko
looooooooooooooooooooooooooool ... fazee3a bgad ... da7akteni geddaaaaannnn :D
ReplyDeletebs eb2a ettamen 3ala ebn el magnoona .. w salemli 3ala sadeqtak amma rabena yekremha w tes7a ... bs kalt el kinder beta3et-ha ezai ,, di akeed mestaniaha :D
hehe :-D bs kda! negeblaha wa7da tanya ;-) :-p
ReplyDelete