لجنة 44.. دستور

اليوم: السبت

التاريخ: 15-12-2012  

الساعة 12:00 ظهرا

المكان: مدرسة علي بن أبي طالب الابتدائية, داخل لجنة رقم 44...

دخلت زي العسكري ما قالي.. وريت الراجل أبو دفتر البطاقة و كتبت اسمي الثلاثي.. و سلمت البطاقة للمستشار.. اداني ورقة الاقتراع

و دخلت أدلي بصوتي.. 

كتبت اللي كتبته و حطيت صوباعي ف الحبر و رحت عشان أخد البطاقة و أمشي..

لقيت القاضي بيكتب حاجة في الأوراق اللي قدامه.. و لمحت اسمي..

محمد شريف ابراهيم أحمد - كفيف- 

و مكملتش..

 أنا مش كفيف حضرتك!!

                                                                  القاضي: استنى انت بس..

                                               أستنى ايه.. انت بتكتب ايه؟!

القاضي: من فضلك سيبني أشوف شغلي.. ملكش دعوة باللي بكتبه..

و جه ف بالي, لو أنا فعلا كفيف.. و أنا موجود دلوقتي و بتحرك عادي.. هل ده معناه اني

 "DareDevil" مثلا؟!

هه؟؟ 

ايه العبيط ده؟!

ثانية واحدة حضرتك..

 حضرتك أنا اسمي ده اللي انت بتكتبه.. و أنا مش كفيف.. أنا شايفك اهو و شايف اسمي.. محمد شريف ابراهيم..

شوفت أنا شايف ازاى؟؟!

الراجل بتاع الحبر أخد باله.. و الناس بدأت تاخد بالها ان في حاجة بتحصل..

القاضي أخد باله ان الناس بدأت تبص علينا..



أنا: أنا بأقول لحضرتك.. أنا محمد شريف.. و أنا مش كفيف..

و جه ف بالي المنظر ده! :p

أنا مش كفيف.. مش كفيف.. مش كفيييييييف..!

و تدارك القاضي حرج الموقف..

القاضي: الله.. أمال مين؟!.. اااه.. معلش أصلي كنت ماسك بطاقتك.. و اتلخبط مع اللي قابلك.. كويس انك أخدت بالك...

انا: ولا يهمك.. أنا بس عاوز البطاقة و يا ريت بس تشطب ع اللي انت كتبته..

و فضلت واقف قدامه لحد ما شطب على اسمي.. و لقيته بيكتب اسم واحد تاني كان مكتوب قدامه في ورقة تانية.. !!

THE END

LE FIN

النهاية

S for Shiko