25th JANUARY Facebook

حقيقي زهقت.. كل الستاتسس سياسة سياسة سياسة..

 حرااااااااااام!!
.
..
...
.....
...
..
.

زمان الواحد كان بيدخل ع الفايسبوك يتطمن على صحابه.. يعرف أخبارهم..

الستاتسس كانت كده.. 

سوسن: أنا اتخطبت.. :)))

أحمد: أنا جبت بنت يا جدعااان.. سميتها "أروى" :))

عباس: لقيت شغل في سويسرا.. إشتغلت طيار! 

بلاش دي..

كنا بنشوف حاجات زي كده.. 

تامر: checked in at MARINA..

سميرة: "is now SINGLE" 

عبير: added Ramzy Hassan to her Family..

ناظلي: is bored

 بس اللي بنشوفه دلوقتي.. حاجة غير كده خالص..

بعد الثورة المجيدة..

الدنيا اتغيرت.. و الستاتسس كمان اتغيرت..

و بدل ما كان الفيسبوك بيقربنا..

بقى بيفرقنا..

دلوقتي الستاتسس بقت كده..

أشرف: ولاد الكلب العسكر دول مش هيجيبوها البر.. يسقط يسقط حكم العسكر.. إحنا الشعب الخط الأحمر!!

نانسي: أنا هأعمل بلوك لكل الفلول اللي عندي..

شكري: الدستور أولا..الناس دي مبتفهمش..

سلمى: القصاص القصاص.. دم الشهيد مش هيروح هدر.. يا نجيب حقهم.. يا نموت زيهم..

فيه اييييييييييه؟؟ 

 ايه اللي حصل؟؟

خلاص.. كلكوا بقيتوا فطاحلة ف السياسية..

زمان الكورة كانت واكلة دماغ الناس..

 كان ال 80 مليون.. "80 مليون خبير كروي"..

و أولهم السياسيين..

!!!!!

بينتقدوا الخطط بتاعت الجوهري..

و التغييرات بتاعت جوزيه..

و الإختيارات بتاعت شحاتة..

و هما أصلا مش فاهمين..

 و كوكاكولا كان الراعي بتاعهم..!

دلوقتي ال 80 مليون بقوا سياسيين و خبراء في القانون و الدستور..

و أولهم الكرويين..

و هما أصلا.. مش فاهمين.. !!

ليه بدل م أدخل أشوف الأبديتس بتاعت صحابي..

 أشوف الأبديتس بتاعت "مرسي"..؟؟

ليه كل البوستس و الشير.. بقت نكت سياسية و استهزاء بالأخر؟؟

ليه الناس بدل ما بتبارك لبعض و تهني بعض بالمناسبات السعيدة..

بقت تتخانق مع بعض و تشتم بعض في المناسبات اللي مش سعيدة؟؟ 

السؤال..

ليه الفيسبوك إتغير؟؟ 

مش هو ده الفيسبوك اللي صحابي قالولي عليه و عجبني  ف عملتلي أكونت ..

ده فيسبوك تاني.. 

فيسبوك بينشر التعصب و الكراهية.. 

و بيخسر الناس بعضها..

.

..

...

.....

...

..

.

الفيسبوك ده..

...

..

.

أنا مبقيتش عاوزه.. 

"As I miss the normal life in Egypt, I also miss the normal life on social networks,"

S for Shiko