تشوف صاحبتك القديمة ف حفلة reunion أو أي تجمع من هذا القبيل.. بعد ما تقعد معاها شوية,, و تيجي عشان تمشي.. تقولك برومانسية..
"عارف, أنا سعيدة إن أنا شوفتك إنهاردة"
و تبقى نفسك تقولها.. "متحاوليش.. متأثرتش خالص على فكرة.."
واحدة تانية ترغي معاك شوية ع الwhatsapp أو أي application أو برنامج من هذا القبيل.. و تحس انك متضايق شوية..و انتوا بتقفّلوا الChatting تكتبلك..
"لو احتجتلي في أي وقت, أنا موجودة"
تبقى نفسك تقولّها.. "و بسلامتك كنتي فين لما كنا مع بعض؟؟!"
أو واحدة كنت مرتبط بيها تبقى بتكلم واحد صاحبك.. يقولها بعفوية إنه نازل معاك كمان شوية.. تقوم تقولّه بعفوية برضه :p ..
"و هو عامل إيه؟ كويس؟!"
قولّها كويس :-)
كلمات بتتقال.. يمكن لو كانت إتقالت بدري شوية.. كانت ممكن تفرق..
بس للأسف.. بتتقال متأخر.. أوي.. !!
لو كل واحدة قبل ما تعمل اي حركة غبية من بتوع البنات.. تفكر كويس..
مكنش ده هيبقى حالهم.. و لا ده.. كان هيبقى حالنا !!
S for Shiko
No comments:
Post a Comment