..كنت رئيسا

هذه الأحداث من وحي خيال الكاتب و لا تمت للواقع بصلة.. و أي تشابه في الأحداث في أرض الواقع.. ما هو الا صدفة.. الأراء الموجودة تعبر فقط عن رأي البلوجر و ليس بالضرورة أن تكون صحيحة..

كنت رئيسا.. حلقات متصلة.. تحكي قصة رئيس.. ما له .. و ما عليه.. فاستمتعوا..

(الحلقة الأولى)

المكان: 

حديقة واسعة.. من وسعها لا ترى أسوارها بوضوح

الساعة:

الثامنة صباحا

حالة الجو:

الشمس مشرقة و الهواء نقي

المشهد الأول:

رجل يجلس على كرسي يحتسي كوب من النسكافيه.. و يتصفح النت بوك الخاص به. يقترب منه اعلامي مبتدئ.. يقال عليه بلوجر في الوسط الاعلامي. و هو هاوي و غير محترف.. و لكنه موهوب.

شريف: صباح الخير.

الرجل: صباح النور.

شريف: أنا اسف اني بأزعج حضرتك.. بس كنت عاوز أدردش معاك شوية, لو حضرتك تسمح.

الرجل: (مبتسما) اتفضل أقعد.. هاتلك كرسي..

شريف: أنا شريف.. بلوجر.. صاحب بلوج "ويندز أوف ثوتس"..

الرجل: بلوجر؟! (يبتسم) انت عارف مين اللي دخل النت كل بيت في مصر؟ 

شريف: طبعا, و أى حد يقول معرفش.. يبقى ناكر للجميل.

الرجل: انت شكلك من اللي بيقولوا عليهم فلول (و يضحك ضحكة ساخرة).. تشرب ايه؟ .

شريف: أنا بشرب زي حضرتك.. نسكافيه بلاك ( و يبتسم).

(يأتي الخادم و معه النسكافيه و يضعه على المنضدة أمام شريف.)

شريف: الواحد مبيعرفش يبدأ يومه من غير النسكافيه.. ده إدمان..

الرجل: انت عارف ان أنا كنت بشرب حوالي سبع كوبايات نسكافيه في اليوم الواحد.

شريف: ياه,, ده كتير أوي.

الرجل: الناس فاكرة ان الرئاسة دي حاجة سهلة.. أنا كنت بأتحرك بالعافية.

(و أحس شريف أن ملامح الرجل بدأت تظهر قليلا من العصبية..)

شريف: بس أنا كنت عايز أعرف أكتر عن فترتك في الرئاسة..

الرجل: و انت يهمك في ايه؟ 

شريف: يعني.. أصلي عاوز أنشر الحوار ده في البلوج بتاعي..

الرجل: ببلاش كده (و يبتسم بسخرية).

شريف: هو معقول يعني كل ما أعوز أعمل حوار أدفع فلوس..؟  يا راااجل كبر مخك ! ( فينظر اليه الرجل نظرة بلهاء و يقهقهون بصوت مسموع)..

الرجل: عايز تعرف ايه؟

شريف: نبدأ من الأول..  احكيلي عن ترشحك للرئاسة.

الرجل:  كرسي الرئاسة كان فاضي..و الناس كانت شايفة اني أنسب واحد في الوقت ده.

شريف: ناس مين؟

الرجل: اللي ماسكين الليلة.

شريف: يعني انت كنت مترشح من جهة معينة.

الرجل: أيوا طبعا.. هوه في حد في البلد بيعمل حاجة بمزاجه!!

شريف: و وافقت على طول؟

الرجل: لأه, أنا عمري ما كنت متسرع.

شريف: يعني حضرتك اتأخرت في قرار الترشح.. مخدتش القرار على طول.

الرجل: رفضت الترشح في البداية.. لكن الضغوط حواليا كانت كتيرة و لا تحتمل.

شريف: و أخدت قرار الترشح..

الرجل: أيوا.. و بقيت الرئيس.

شريف: ايه اللي كان مخلي حضرتك متردد؟ حد يكره يبقى الرئيس؟

الرجل: (يتصفح النت بوك) أنا أكره (ويبتسم).

شريف: مش قادر أفهم حضرتك (و يحتسي قليلا من النسكافيه).

الرجل: الرئاسة دي مسئولية ضخمة.. و الشخص اللي يبقى رئيس لازم تبقى فيه مقومات معينة.. مش أى حد كده ينفع يبقى رئيس..

شريف: و حضرتك مكنتش واثق ان فيك مقومات الرئاسة.

الرجل: أنا كنت خايف من الناس.. صعب أوي انك تكسب حب الناس كلها.. الرسول (عليه أفضل الصلاة و السلام) نفسه كان ليه أعداء.. و انا مكنتش واثق ان الناس عاوزاني.

شريف: بس انت تاريخك مكنش محتاج توضيح.

الرجل: يا راجل هوه فيه حد بيحترم التاريخ.. أديك شايف (و بدى عليه الانزعاج و عدم الارتياح).

شريف: تحب نرتاح شوية.. ناخد BREAK..

الرجل: يا ريت..  تعالى معايا أوريك حاجة..

و ذهب البلوجر مع الرجل و هو لا يعلم الى أين سيأخذه..

(TO BE CONTINUED)

خلصت بسرعة.. صح؟ :-) معلش..

 "الى اللقاء غداً في الحلقة الثانية من "كنت رئيساً